PREGIZERUS Joh

PREGIZERUS Joh

Ulricus, Custerdingâ vicô Tubingae vicinô natus, A. C. 1577. patre cognomine Pastore Ecclesiae illius loci, Latine, Graece, Hebraice, Chaldaice doctus, Calvam vocatus dioeceseos illius Pastorem et Specialem Superintendentem egit, ab A. C. 1612. per octennium; exin Tubingae Pastor et Theologiae Professor, A. C. 1620. ac tandem Universitatis Cancellarius et Ecclesiae Tubingen sis Praepositus electus, A. C. 1652. obiit quadrienniô post, annô aetat. 79. Ministerii 50. freherus Theatro Viror. erudit. claror. Pater fili cognominis, Ethices primo in Acad. Tubing. Professoris, Senatoris dein, et Paedagogiarchae per Scholas superiores Bucatus, exstincti A. C. 1672. aetat. 61. quô genitus Ioh. Ulricus, Historiarum ibidem in Collegio Illustri Professor eximius, Societatis Historico-Caesareae haud pridem optimis auspiciis institutae Collega meritissimus, Saeculi N. C. primi Historiam Germaniae suae brevi exhibebit, iam variis Ingenii ac eruditionis suae multiiugae monumentis clarum nomen meritus. Meminit eius honorisice Phil. Iac. Spenerus Praefat. Opreis sui Herald. Part. 2.